Nola ebaluatzen da ikasleak enpresan egiten duen lana?
Ebaluazio-irizpide batzuk ezarriko dira programatutako jarduerak ebaluatzeko eta dagokion moduluko ikaskuntza-helburuak lortzen direla ziurtatzeko.
Ikastetxea behartuta al dago heziketa Dual intentsibako ikasleen erantzukizun zibilerako eta asistentzia sanitariorako aseguru bat izatera?
Kontratua duten ikasleek, beste edozein langilek bezala, Gizarte Segurantzaren estaldura dute. Baka kasuan, enpresak Gizarte Segurantzan altan eman behar ditu ikasleak. Beka modalitatean bada aseguru osagarri bat Hezkuntza Sailak kontratatua, dual orokorrean bezalaxe.
Zer estaldura-mota daukate prestakuntza duala beka batekin egiten ari diren hogeita hamar urtetik gorako ikasleek?
Ikasle horiek ez dute eskola-asegururik, enpresak babestuta daude Gizarte Segurantzan alta emanda, edo, bestela, aseguru pribatu bat egin beharra daukate. Prestakuntza-beka ematen duen enpresari dagokionez, ikasleak, Gizarte Segurantzan alta emanda egonik, babestuta daude laneko gertakarien aurrean; 1493/2011 Errege Dekretuaren 3. artikuluaren arabera, babes-ekintza Gizarte Segurantzaren Erregimen Orokorrari dagokiona izango da.
Zein da ikasleak hautatzeko irizpidea, ikasle eskaintza enpresen eskaria baino handiagoa denean?
Ikastetxeek aukeraketa-arau batzuk ezartzen dituzte, ikasleen errendimendu akademikoaren eta gisako irizpide batzuen arabera. Enpresak egoki irizten badio, aurrez aurreko elkarrizketa bat ere egin daiteke. Irakasle-taldeak adostuko du zein ikasle proposa daitezkeen beren burua aurkezten duten guztien artean, ikastetxeak berak ezarrita izango dituen hautespen-irizpide batzuetan oinarrituta.
Zer paper jokatzen du tutoreak LH Dual Intentsiboan?
Ikastetxeko tutoreak ikasleak enpresan garatutako jardueren jarraipena eta ebaluazioa egiten du. Babesa emango dio enpresako tutoreari eta harekin batera egingo du ikaslearen ebaluazioa.
Ikaskuntzaren emaitzak berdinak al dira prestakuntza arruntean zein prestakuntza Dual Intentsiboan?
Emaitzak hobeak dira prestakuntza dual intentsiban. Hainbat faktorerengatik da hori horrela: besteak beste, ikasleak motibazioa handiagoa duelako eta prestakuntza bikoitza duelako, ikastetxekoa eta enpresakoa. Benetako lanbide-jarduerarekin kontaktuan egoteak, batetik, eta enpresaren eta ikastetxearen etengabeko jarraipenak, bestetik, erraztu egiten dute ikaskuntza-prozesua.
Zer egin behar du ikastetxe batek Lanbide Heziketa Dual Intensiboko proiektu bat aurkeztu nahi badu?
Lanbide Heziketako Sailburuordetzak horretarako duen aplikazioaren bidez aurkeztu behar du ikastetxeak bere plana.
Data jakin batzuk al daude Heziketa Dual Intentsibako eskabideak gauzatzeko?
Bai, plan normaletarako maiatza-ekaina-uztaila izango litzateke, baina irailean eta urrian ere formaliza daitezke.
Nola garatzen da 3 urteko eredua?
Hiru urtean zehar, ikasleek 1.800 ordu baino gehiago ematen dituzte enpresan lanean, beren burua espezializatzen, teknologiak erabat mederatzera iritsi arte. Belaunaldi-erreleboa zurtatuko duten espezialistak bilatzen dira, ikasleen ikaskuntzak sendotuz, zeharkakotasuna bermatuz, oinarri zabaleko profesional polibalenteak, enpresa bateko beste lanpostu batera edo beste enpresa batzuetara berehala egokitzeko modukoak, prestatuz. Eredu honetan ikasleek ez dute ikastetxeko eskola-ordurik [...]