Ikas-ekinezko erregimeneko Lanbide Heziketa Dual berria ezartzen da. Horrela, egungo eta etorkizuneko beharrei eta egoerei erantzun ahal izango diegu.

Gainera, Lanbide Heziketaren Antolamenduari eta Integrazioari buruzko martxoaren 31ko 3/2022 Legeak (2022-04-01eko BOE) lanbide-heziketaren eskaintza guztia duala izango dela ezartzen du.

Helburuak

  1. 1. mailako ikasleak enpresako prestakuntza dualean sartzea.
  2. Lanbide Heziketako ikasleen gaitasunak hobetzea, enpresako prestakuntza-orduak handituz.
  3. Enplegagarritasuna handitzea, lan-ingurunean esperientzia eta prestakuntza-maila handiagoa egiaztatzen denean.
  4. Eredu dual horretarako sarbidea erraztea mikroenpresei, saltoki txikiei, hurbileko saltokiei eta autonomoei.
  5. Enpresako prestakuntza dualean parte hartzen duten ikasleen kopurua handitzea.

Ezaugarriak

  1. Oro har, heziketa-ziklo osoak iraungo du, eta heziketa-zikloaren bi ikasturteak hartuko ditu, 1. mailan hasita.
  2. Ibilbide berri honetan, enpresako ordu-kopuruak gora egin du, aurreko ereduekin alderatuta. Horiek guztiek curriculum-izaera izango dute.
  3. 128 orduak, 112 ordu ikasle adingabeentzat, Enpresan edo Erakunde Parekidean prestatzeko, 1. ikasturtean egiten direnak, Curriculum-karakterra dutenez, ez dira ordainduko.
  4. Lehenengo ikasturtea amaituta, ikasleak aukera desberdinak izango ditu 2. urtea egiteko:

1. mailako praktikak

Oro har, apirilean eta maiatzean

curriculum-orduak

Lantokiko prestakuntzaren parte dira

Opción 1

Ikasleak irailetik martxora arte joango dira LHko ikastetxera (2. mailako 1. azken ebaluazioa), eta data horretatik aurrera, betiere Lantokiko Prestakuntzako modulua egiteko ezarritako irizpideak betetzen baditu, enpresan edo erakundean egingo dute prestakuntza, 8 orduko dedikazioarekin edo 7 orduko dedikazioarekin, ikasle adingabeen kasuan.

Opción 2

Ikasleek Ikas-ekinezko erregimeneko Lanbide Heziketa Duala Euskal Autonomia Erkidegoan ezartzen duen ekainaren 2ko 83/2015 Dekretuan ezarritako baldintzak betetzen dituzte prestakuntza duala egiteko, eta prestakuntza- eta ikaskuntza-kontratu bat edo beka bat dute. Kasu horretan, 2. ikasturte osoan, enpresako/lantokiko prestakuntza eta Lanbide Heziketako ikastetxeko prestakuntza txandakatuko dira, kasu bakoitzean ezarritako programan oinarrituta.

Laneko Arriskuen Prebentzioari Buruzko Prestakuntza

Ikasleek Laneko Arriskuen Prebentzioari buruzko oinarrizko prestakuntza gehigarria jasoko dute, 12 ordukoa, enpresan edo lantokian hasi aurretik. Prestakuntza horretan, gai hauei buruzko edukiak emango dira:

  • Oinarrizko prebentzioa.
  • Sentsibilizazioa.
  • Lanaren, laneko arriskuen prebentzioaren eta ingurumenaren aurreko jarrerak.

Enpresaren edo lantokiaren ikaskuntza planifikazioa

LHko zentroak eta enpresak edo lantokiak adostu beharko dute prestakuntza-jardueren banaketa. Banaketa hori enpresako edo lantokiko prestakuntza Dualeko Programan zehaztuko da, eta zortzi atal izango ditu, eredu berri honen helburuak betetzen direla bermatzeko. Hona hemen atal horiek:

  1. LHko tituluaren identifikazioa.
  2. Parte-hartzaileen identifikazioa.
  3. Ikasleak enpresan edo lantokian ikaskuntzak garatuko dituen lanpostuaren identifikazioa.
  4. Ordu-banaketa eta egutegia. Kontuan hartu ikaslea adingabea den.
  5. Ikaskuntzaren emaitzen araberako programazioa eta enpresan edo lantokian garatu beharreko jardueren zerrenda.
  6. Aurreikusitako ebaluazio-sistema.
  7. Ikastetxeko eta enpresako tutoreak ikasleari arreta emateko plana eta horren aldizkakotasuna.
  8. Ikasleen konpromisoa enpresako prestakuntza dualeko programa garatzeko. Adingabeen kasuan, adingabearen gurasoek edo tutoreek sinatuko dute konpromiso hori.

Tramitazioa

-Lankidentza-hitzarmen bat sinatuko da ikastetxearen eta enpresaren/lantokiaren artean.
-Ikastetxeak tutore bat izendatuko du, parte hartzen duen ikasle bakoitzaren jarraipena egiteko, eta enpresa/lantokiak beste bat, ikasleari perestakuntzan landuko diona.
-Planen proposamenak Plangintza eta Antolamendu Zuzendaritzak onartu beharko ditu. Horretarako, enpresaren edo lantokiaren, tutorearen, irakaslearen eta ikasleen datuak beteko dira, baita enpresako edo lantokiko prestakuntza-egutegia eta -ordutegia ere.