Hemezortzi urte baino gutxiago baditut, parte har dezaket prestakuntza Dual Intentsiban?
Bai. Dena dela, baliteke enpesako jarduera batzuk egitea debekuta izatea.
Zenbat ordutakoa da enpresan prestakuntza Dual Intentsiboan egin beharreko gutxieneko egonaldia?
Bai kontratu-modalitatean, bai bekan, enpresan gutxienez 800 ordu eman behar dira.
Bekaren kotizazioak langabezia-prestazioa jasotzeko eskubidea ematen du?
Ez. Prestakuntza-programek, “beka” deitu ohi ditugun horiek, ez dakarte, berez, inolako lan-harremanik. Izan ere, ez dute langabeziarengatik kotizatzen; beraz, bekadunak ez du, ezta ere, prestazio hori jasotzeko eskubidea sortzen.
Nola kotizatzen dute bekadunek enpresetan edo erakundeetan?
Mota horretako bekaren bat duten edo etorkizunean izango duten pertsonak Gizarte Segurantzaren sisteman txertatuta geratzen dira. Beka hori finantzatzen duten enpresek edo erakundeek altan eman behar dituzte ikasleak Gizarte Segurantzan, baina ematen ez badituzte, bekadunak berak eskatu ahal izango du alta Gizarte Segurantzaren Diruzaintza Nagusian. Kotizazioak izango duen kostua kalkulatzeko, urtero prestakuntza-kontratuetarako ezartzen diren kuotak [...]
Ikasleak LANBIDE zerbitzuan izena emanda egon behar du?
Bai, kasu guztietan; gainera, hala egin ezean, enpresak dirulaguntza galduko luke.
Zein dira enpresaren betebehar nagusiak?
Honako hauek batez ere: Ikasleak enpresan programaturiko jarduerak egiteko behar duen guztia antolatzea. Ikaslea enpresan egongo den lekuari edo lekuei buruzko arrisku espezifikoen ebaluazio bat prest edukitzea. Kontratu edo beka bidez egin beharreko ekarpen ekonomikoa egitea. Ikasleak Gizarte Segurantzako erregimen orokorrean sartzea. Enpresan tutore bat izendatzea. (Instruktorea) Ikasleen enpresa-egonaldiaren jarraipena eta lortutako ikaskuntzen ebaluazioa egiteko [...]
Edozein lan-kontratu da egokia Lanbide Heziketa Dual Intentsiboa egiteko?
Ez, Ikas-ekinezko Prestakuntza Kontratua izango da, eta horren ordez bekaren aukera erabili ahal izango da.
Enpresak ikasleak kontratatzeko obligazioa dauka, behin haien prestakuntza-aldia amaituta?
Ez. Dena dela, sarritan, langile kualifikatuen eta ongi prestatuen beharra duenean, enpresak dagoeneko ezagutzen dituen ikasle horiek kontratatzen ditu, berak prestatutako horiek, dagoeneko lan-poltsan sartuta daudenak.
Zer egin dezake enpresarioak ikasle batek jarrera egokia erakusten ez badu?
Ikastetxeko tutorearekin harremanetan jarri eta egoera birbideratzeko estrategiak ezarri.
Zein betekizun ditu enpresako tutoreak? (Instruktorea)
Ikasleak egin beharreko zereginak planifikatu behar ditu, hitzartutako jarduera-plangintzaren arabera betiere. Horretaz gainera, ikaskuntzen jarraipena egin eta dagozkion balorazioak egiten lagundu behar dio ikastetxeko pertsona tutoreari.